Kona ba Ami Historia

Historia

Community Based Rehabilitation Network Timor-Leste (CBRN-TL) utiliza estratéjia CBR ida-ne'ebé foka liu ba kapasitasaun ema ho defisiénsia sira atu asesu ba edukasaun, kuidadu saúde no inkluzaun sosiál iha sira-nia komunidade rasik nia laran. Ida ne'e hanesan aprosimasaun holistiku ida-ne'ebé envolve kolaborasaun husi parte-interesada oin-oin, inklui governu, ONG sira, no komunidade lokál sira, atu suporta individu ho defisiénsia sira hodi lidera moris ida-ne'ebé inkluzivu no independente liu. 

Iha kontestu Timor-Leste, ne'ebé nu'udar nasaun ki'ik ida iha Sudeste Aziatiku, implementasaun programa CBR sira bele sai importante tebes atu responde ba nesesidade individuál ho defisiénsia sira-nian. Timor-Leste iha istória kompleksu, inklui luta ba independénsia husi Indonezia, ne'ebé hetan ona iha 2002. Nasaun ne'e hasoru dezafiu oioin, inklui infraestrutura limitadu, servisu saúde, no oportunidade edukasaun, ne'ebé bele fó impaktu ba ema ho defisiénsia sira-nia moris-di'ak.

CBRN-TL eziste ka estabelese no envolve organizasaun lokál, ajénsia governu no ONG internasionál sira ne'ebé servisu hamutuk hodi fornese servisu no apoiu ba individu ho defisiénsia sira iha nasaun ne'e. Servisu hirak-ne'e bele inklui:

a.       Servisu informasaun ba Reabilitasaun: Informasaun konaba Terapia Fízika, Terapia Profisional, no servisu médiku sira seluk atu ajuda ema ho defisiénsia sira atu hadi'a fali sira-nia abilidade funsional.

b.      Edukasaun no formasaun: Programa edukasaun inkluziva ne'ebé promove inkluzaun labarik ho defisiénsia sira iha eskola prinsipál no fornese formasaun vokasionál ba ema adultu ho defisiénsia sira.

c.       Inkluzaun Sosial: Inisiativa atu hasa'e konsiénsia kona-ba ema ho defisiénsia sira-nia direitu no nesesidade, kombate estigma no diskriminasaun, no promove partisipasaun komunidade.

d.      Asesibilidade: Esforsu atu halo fatin públiku, transporte, no infraestrutura asesivel liu ba ema ho defisiénsia sira.

e.       Empoderamentu ekonómiku: Programa sira ne'ebé suporta ema ho defisiénsia sira atu hetan empregu no partisipa iha atividade sira ne'ebé hamosu rendimentu.

f.       Advokasia no dezenvolvimentu polítika: Servisu hamutuk ho órgaun governu sira atu dezenvolve no implementa polítika no lei sira ne'ebé proteje direitu ema ho defisiénsia sira-nian.

Vizaun

Sosiedade Inkluzivu ba ema hotu iha Timor Leste

Misaun

Promove, Proteje, no kria Oportunidade ba partisipasaun no Involvimentu ema ho defisiensia iha programa Dezenvolvimentu neébe inkluzivu

Area Foku

1.      Dezenvolve Manegamentu fahe Informasaun CBR ne'ebé Forte.

2.      Forsa Advokasia, Rede Servisu, no Promosaun Programa CBR/CBID iha Governu, DPOs, no CSOs.

3.      Haforsa Kapasidade Organizasaun  iha área Formasaun no Peskiza