Enkontru Pre Eliminario Prevene no Responde Violensia Bazeia ba Jeneru Hasoru Feto no Labarik Feto ho Defisiénsia liu husi Empoderamentu Ekonomia Iha Municipio Covalima

    Média CBRN-TL | Loron Públika : Kuarta, 18-Outubru-2023

  • Enkontru Pre Eliminario Prevene no Responde Violensia Bazeia ba Jeneru Hasoru Feto no Labarik Feto ho Defisiénsia liu husi Empoderamentu Ekonomia Iha Municipio Covalima

    Progrma

    Prevensaun violensia bazeia ba jeneru liu husi empoderamentu ekonomia  no kapasitasaun ba ema ho defesiensia

    Data : 11 Outbro 2023

    Situasaun jeral indika katak feto ho defisiensia la assesu ba Edukasaun formal no non formal sira tamba kondisaun sira sei difikulta, no ida ne’e bele dehan diskriminasaun a’as ba feto ho defisiensia. Bazeia ba dadus husi WORD BANK deskobre katak iha ligasaun entre ema defisiensia ho kiak no istima katak ema ho defisiensia konsidera kiak liu iha mundu.

    Community Based Rehabilitation Network Timor Lerste (CBRN-TL)  servisu hamutuk ho Servisu Apoiu Sosiedade Sivil ba Auditoria Sosial (SASCAS) iha Programa prevensaun violensia bazeia ba jeneru liu husi empoderamentu ekonomia no kapasitasaun ba ema ho defesiensia Munisipiu Covalima realiza ona enkontru pre eliminario ba komunidade no autoridade local iha Suco Matai, Postu Maucatar, Municipio Covalima.

    Objetivu husi enkontru Pre-eliminariu ne’e atu apresenta programa  ne’e ba iha Instituisaun Governo Munispal, Autoriade Local, Sosiedade Sivil no Komunidade ema ho defisiénsia iha Municipio Covalima; Hakbiik kohesementu no habelar informasaun  hodi redus violencia bazeia ba Jeneru no foka ba promosaun direitu ema ho defisiensia, partikularmente hamenus diskriminasaun no violencia kontra feto, labarik no juventude ho defisiensia liu husi kapasitasaun no empoderamentu ekonomia; Kolekta informasaun no sujestaun sira husi komunidade no autoridade lokal relasionadu ho Programa Prevensaun Violénsia Bajeia ba Jéneru liu Husi Empoderamentu Ekonómia; Promove diskusaun interativa no konstrutiva entre komunidade no lideransa lokal kona-ba programa ne'e no sira nia implementasaun; Identifika obstákulu sira ne'ebé sei hasoru durante implementasaun programa no halo planu ba solusaun sira.

    Atividade ida ne'e hetan partisipasaun makas husi komunidade, lideransa local, autoridade municipal (Administrasaun Munisipal, SEII, CSS no Servisu Munisipal Agrikultura) hodi diskute kona-ba programa ne'e no sira nia impaktu ba komunidade.

    Autoridade Munisípiu Covalima fó prioridade ba ema ho defisiensia iha dezenvolvimentu munisipál no kontente atu kolabora ho organizasaun ema ho defisiensia ne'ebé halo programa iha Munisípiu Covalima. Ida ne’e ajuda haforsa envolvimentu no partisipasaun ema ho defisiensia iha programa sira ne'ebé diferenti husi aproximasaun sira seluk. Autoridade Munisípiu Covalima autoriza 100% ba parseiru CBRN-TL nia programa sira ne'ebé fo oportunidade ekonómia ba feto maluk ho defisiensia sira, no autoridade munisipál suporta parseiru nia programa sira durante implementasaun.

    Diretor Servisu Agrikultór Munisípiu inisia kolabora ho parseiru CBRN-TL iha implementasaun atividade ekonomia ba feto no feto ho defisiensia iha komunidade rural. Servisu Munisipal Agrikultór foka ba agrikultura no pekuária, no rekomenda hodi hakiak manu lokal hanesan manu bebek ka manurade atu promove setór agrikultura lokal. Servisu Munisipal Agrikultór sei apoiu parseiru CBRN-TL hodi fó treinamentu kona ba pekuária no agrikultór ba grupo ajuda an ne’ebe estabele husi CBRN-TL iha suco Matai, Postu Maucatar, Municipio Covalima.

    Secretaria Estadu no Igualidade iha  Munisípiu Covalima estabelese ona  kolaborasaun ho grupo ajuda an husi CBRN-TL iha Suco Matai, SEI Munisipal sei kontniua apoiu parseiru CBRN-TL liu husi haforsa formasaun ba grupo ajuda an sira hodi prepara grupo sira nia asesu ba fundus kiik ne’ebe apoiu husi Secretaria Estadu no Igualidade kada tinan.

    Komunidade liu liu feto no feto ho defisiensia sira inisia sira nia hanoin hodi envolve iha atividade empoderamentu ekonomia nomos empodera feto no feto ho defisiensia sira hodi halo advokasia iha nivel komunidade hodi elimina dezigualidade ne’ebe sei akontese iha komunidade Matai.

    Enkontru pre eliminariu ida ne'e realiza tamba hetan apoiu husi Servisu Apoiu Sosiedade Sivil ba Auditoria Sosial (SASCAS) iha Timor Leste.