MOVIMENTU FETO HAKBI’IT MALU PARTISIPA IHA ATIVIDADE SESAUN KAPASITASAUN INTENSIVU NO DIALOGU NAKLOKE/ESPASU SEGURU NE’EBE FASILITA HUSI CBRN-TL

Média CBRN-TL | Loron Públika : Sesta, 12-April-2024



MOVIMENTU FETO HAKBI’IT MALU PARTISIPA IHA ATIVIDADE SESAUN KAPASITASAUN INTENSIVU NO DIALOGU NAKLOKE/ESPASU SEGURU NE’EBE FASILITA HUSI CBRN-TL

Community Based Rehabilitation Network Timor-Leste (CBRN-TL) realiza atividade Sesaun Intensivu no Dialogo nakloke Espasu Seguru ho ekipa Movimentu Hakbiit Bin Alin durante loron tolu ne’ebe hala’o iha suku talimoro postu Ermera Munisipiu Ermera Raibuti Gleno Guest house. (2-4/04/2024)

Atividade ne hetan partsipasaun husi feto ho defisiensia (7) no feto la ho defisiensia (18) Total partisipante hamutuk (25) no partisipante sira ne’e mai husi suku sanulu iha postu Administrativu Ermera munisipiu Ermera.

Objetivu husi programa ida nee atu halibur ema feto ho difisiensia no la ho difisiensia hodi fahe informasaun ka esperiensia moris nian ba malu kona-ba situasaun ne’ebe sira ida idak infrenta iha sira nia jornada moris. Tanba dalabarak sira sempre hetan violasaun, no diskrimisaun iha sosiedade.

Progresu husi Atividade Movimentu Bin Alin Hakbi’it Malu ne’e partisipante sira konsege halo mudansa ki’ik balun iha sira nia familia, husi sorin seluk, sira mos fahe informasaun ba autoridade lokal sira oinsa atu uja termus ne’ebe loos ba maluk ho Defisiensia sira no mos implementa balansu jeneru iha sira nia familia rasik.

 Movimentu Bin Alin hakbi’it malu ne’e sai hanesan matan no tilun ba ema ho difisiensia hodi tulun sira atu hato’o sira nia preukupasaun no bele enkoraza sira. Tanba ne’e importante tebes ba sira atu tuur hamutuk hodi bele koalia ba malu kona-ba deezafiu ne’ebe sira hasoru no kria espasu ba feto maluk sira hodi hasa’e liu tan sira nia kunesimentu, nune’e atividade ne’e hanesan meiu ida atu bele halo mudansa ba sira nia aan nomos ba komunidade sira

Aleinde ne’e, partisipante Higia Xavier Araujo dos Santos nu’udar feto la ho difisiesia  hatete, prontu atu servisu ho voluntariu hodi bele kontribui atu minimiza ema husi hahalok diskriminasaun ba ema ho difisiensia  ne’ebe kontinua buras iha sosiedade nia leet.

Nia fiar katak hafoin partisipa iha formasaun ne’e bele kapasita sira atu haklean liu tan informasaun hirak ne’e ba komunidade iha Postu, Suco no aldeia sira.  Nune’e neneik no bebeik bele influensia sosiedade sira atu halakon liafuan diskriminasaun. Tanba dalabarak ema laduun iha konsiensia atu valoriza ema ho difisiensia, tanba ne’e presiza servisu hamutuk liu husi komunikasaun no esplikasaun ne’ebe diak nomos fo formasaun masimu ba sosiedade sira atu  komprende liu tan kona-ba asuntu refere.

 

English

 

THE MOVEMENT IS GEARED TOWARDS MUTUAL PARTICIPATION IN INTENSIVE CAPACITY-BUILDING SESSIONS AND DIALOGUE IN A SECURE ENVIRONMENT FACILITATED BY CBRN-TL

 

The Community Based Rehabilitation Network Timor-Leste (CBRN-TL) conducted an Intensive Session on Safe Space Dialogue with the Bin Alin Movement Team during the three-day event held at Talimoro village in the Ermera municipality, specifically at the Gleno Guest House from April 2nd to 4th, 2024.

The activity saw participation from seven women with disabilities and eighteen women without disabilities, totaling twenty-five participants. These participants hailed from ten villages within the Ermera Administrative Post, Ermera municipality.

The objective of this program was to bring together women with and without disabilities to share information and life experiences regarding the challenges they face in their daily lives. Due to their vulnerability, they often experience various forms of violation and discrimination in society.

The progress made during the Bin Alin Movement's joint activity was evident as participants were able to make small changes within their families. Apart from that, they also shared information with local authorities on how to use appropriate terminology for people with disabilities and implemented gender balance within their own families.

The Bin Alin Movement serves as a beacon of hope for people with disabilities, offering them support to voice their concerns and encouraging them. It's crucial for them to come together to discuss the challenges they face and create spaces to enhance their knowledge. Thus, this activity serves as a means to bring about change in their lives and in the community.

Furthermore, participant Higia Xavier Araujo dos Santos, a woman without disabilities, expressed her readiness to volunteer to help minimize discrimination against people with disabilities that still persists in society.

She believes that after participating in this training, they will be better equipped to disseminate information to the communities in the Postu, Suco, and villages. Therefore, even the smallest actions can influence society to eradicate discriminatory language. It is essential for everyone to recognize the value of people with disabilities, which can be achieved through effective communication and education to enhance understanding on these matters.